ماتتجوزوش

أيوه الجواز حلو عشان تكمل نصك التانى أو نص دينك بس بلاش تتجوز لمجرد اسم الجواز لأن تكوين العلاقات اللى من النوع دا مش سهل أبدا بعيدا عن كون الجواز مسؤلية كبيرة جدا على الطرفين بس مش دا الموضوع احنا هنتكلم هنا عن أنواع المقبلين علي الجواز   عندنا نوع مثلا بتتجوز لمجرد أنه خلص دراسة ،جيش واشتغل وكون شوية فلوس يبقا سو وات لية ميتجوز بقا ،وفي نوع تانى دحلاب كده دحلاب المسيطر الاول والأخير عليه هما أهله ياحبى سنك كبر وأصحابك كلهم عندهم عيال ها مش هنفرح بيك بقا ،طب هنفرح بيك أمتا ؟ وفي نوع عنيف اوي اللى هو صحي الصبح قرر يتجوز المشكله عمرها ما كانت في الجواز نفسه المشكله في اللى احنا بنختارهم عشان نكمل معاهم حياتنا عشان كدة لازم نختار، نميز الخبيث من الطيب، ندعي ربنا انه يرزقنا بالزوجة الصالحه أهم من خطوة القرار في الجواز هي اختيار شريكت حياتك فبلاش تتجوز عشان بقا معاك فلوس او سنك كبر او انت هوب دبل كيك لاقيت نفسك عايز تتجوز